Repsol

Contexto enerxético

A enerxía é básica para mellorar os niveis de benestar das nosas sociedades. Dende Repsol pensamos que é fundamental coñecer o contexto enerxético mundial, en especial, co petróleo e os combustíbeis fósiles, que seguirán sendo a principal fonte enerxética no curto, medio e longo prazo.
Neste apartado, mostramos unha información enerxética sustentada en datos oficiais das principais axencias de enerxía e organismos económicos mundiais. Esta información é básica para entender os diferentes aspectos que interveñen nas flutuacións dos prezos e a demanda de enerxía ligada aos ciclos económicos.

Os datos que se resumen na sección contemplan as últimas previsións económicas; a situación actual e as previsións para o mercado enerxético a 2030; a distribución xeográfica das reservas, a produción e o consumo de petróleo e gas natural no mundo; a evolución dos prezos de referencia para o petróleo e o gas natural; así como a evolución do mercado do petróleo, que ofrecen unha visión xeral, clara e obxectiva de aspectos que inflúen no mundo enerxético de hoxe.

Contexto económico-financeiro

As previsións de crecemento económico convértense na base para saber que evolución vai ter o sector enerxético no futuro. O Departamento de Estudos e Análise do Ambiente de Repsol publica periodicamente un informe sobre as previsións de crecemento económico e sobre o Informe de Estabilidade Financeira do Fondo Monetario Internacional.

Matriz enerxética mundial

É fundamental coñecer cal é a estrutura de consumo por fontes enerxéticas para analizar os retos aos que nos enfrontaremos no futuro. Nesta alínea encontrarás os datos e a evolución previsíbel da devandita matriz segundo a Axencia Internacional da Enerxía (AIE).

Xeopolítica dos recursos

O petróleo e o gas natural achegan conxuntamente máis da metade da enerxía primaria consumida a escala mundial. Por este motivo é importante identificar a diferenza existente entre os países que producen estes recursos e aqueles que os demandan.

Evolución dos prezos

Presentamos a evolución durante os últimos meses dos principais prezos marcadores ou benchmark internacionais do cru e do gas natural. Ademais, existen outros informes con inventarios de cru e produtos nos Estados Unidos e sobre o mercado do petróleo a curto prazo.